တေႁဵတ်းႁိုဝ်ၽိုၵ်းပေႃႉလိၵ်ႈ Typing လႆႈဝႆးဝႆး?
မိူဝ်ႈပေႃႉလိၵ်ႈၼႂ်းၶွမ်း တႃႇတေတဵၵ်းလႆႈဝႆးဝႆးၼၼ်ႉ မၼ်းမီးလၢႆလၢႆလၢႆးယူႇ။ တီႈၼႆႈ တေလၢတ်ႈၼႄလွၵ်းလၢႆးဢၼ်လမ်ႇလွင်ႈမၼ်းၵူၺ်း။
1. ၸႂ်ႉတိုဝ်းဝႅပ်ႉသၢႆႉ ပေႃႉလိၵ်ႈ (Typing Website) ၼိူဝ်ဢွၼ်ႊလၢႆႊ
- Typing.com: တႄႇ ၊ ၵၢင် ၊ လိူဝ်သေ တွၼ်ႈသွၼ် ၸၼ်ႉသုင်ယဝ်ႉ မီးပႃး ၵၢၼ်ၸၢမ်းတူၺ်း ၶီးပူတ်ႉ လႄႈ ၵဵမ်း ၸိူဝ်းၼႆႉ။ မၼ်းၼႄပၼ်ဝႃႈ တူဝ်လိၵ်ႈဢၼ်လႂ်ယၢပ်ႇ ၼင်ႇႁိုဝ် ၸဝ်ႈၵဝ်ႇတေၸၢင်ႈ ဢဝ်ၸႂ်သႂ်ႇ ၽိုၵ်းၽွၼ်ႉတူဝ်လိၵ်ႈၸိူဝ်းၼၼ်ႉလႆႈ။
- Ratatype.com : ပၵ်းၸႂ်ၼိူဝ်ၵၢၼ်သွၼ်ပၼ် လွင်ႈပေႃႉလိၵ်ႈ လူၺ်ႈတိူဝ်ႉသေ ၸႂ်ႉတိုဝ်းလႆႈ တႃႇၸၢမ်းတူၺ်း တၢင်းဝႆးပေႃႉလိၵ်ႈ ၸဝ်ႈၵဝ်ႇၵေႃႈလႆႈ။ ၵမ်ႉထႅမ်ပၼ် ၶီးပူတ်ႉ လႄႈ ၽႃႇသႃႇလၢႆလၢႆမဵဝ်း။
- Typingstudy.com: ပဵၼ်ဝႅပ်ႉသၢႆႉဢၼ်ဢမ်ႇလႆႈသဵင်ႈငိုၼ်းသေ သွၼ်ပၼ်လၢႆးပေႃႉလိၵ်ႈ ဢမ်ႇလူဝ်ႇတူၺ်းလွၵ်းမိုဝ်း ၶၵ်ႉၼိုင်ႈယဝ်ႉၶၵ်ႉၼိုင်ႈ။ လွင်ႈၸၢမ်းတူၺ်းတၢင်းဝႆး လႄႈ ၵဵမ်းၸိူဝ်းၼႆႉၵေႃႈ ပႃးၸွမ်း။
- Typingtest.com/trainer: ပဵၼ်ပၢင်သွၼ် ဢၼ်ဢမ်ႇလႆႈသဵင်ႈငိုၼ်းသင် ဢၼ်မီး ၶၵ်ႉတွၼ်ႈ ၼိုင်ႈယဝ်ႉၶၵ်ႉတွၼ်ႈၼိုင်ႈ။ မၼ်းၸွႆႈထႅမ်ပၼ် ႁႂ်ႈၸဝ်ႈၵဝ်ႇ ၽိုၵ်းၽွၼ်ႉ တူဝ်လိၵ်ႈ ဢၼ်ယၢပ်ႇ လူၺ်ႈ ၼႄပၼ် ၶီးပူတ်ႉ ဢၼ်ၸဝ်ႈၵဝ်ႇ ပေႃႉလိၵ်ႈယူႇၼၼ်ႉ။
2. ၵႆႉၵႆႉၽိုၵ်းပၼ်တႃႇသေႇလႄႈ
ၵႆႉၵႆႉၽိုၵ်းယူႇတႃႇသေႇၼႆႉ ပဵၼ်ဢၼ်လမ်ႇလွင်ႈသုတ်းယဝ်ႉ။ လဵပ်ႈႁဵၼ်း တီႈဢေႇသုတ်း 15 တေႃႇ 30 မိၼိတ်ႉ ၵူႊဝၼ်း။ ပၵ်းၸႂ်ၼိူဝ် လွင်ႈတႅတ်ႈတေႃးဢွၼ်တၢင်း။ လွင်ႈဝႆးၼႆႉ တေမႃးၸွမ်းသၽႃႇဝမၼ်း ပေႃးၽိုၵ်းၽွၼ်ႉ ႁႂ်ႈထုၵ်ႇမႅၼ်ႈ။ ၽိုၵ်းပေႃႉလွႆးလွႆး လီလိူဝ်သေ ပေႃႉဝႆးဝႆး ၽိတ်းပိူင်ႈၼမ်ၼမ်ၼၼ်ႉယူႇ။
3. လဵပ်ႈႁဵၼ်းလၢႆးပေႃႉလိၵ်ႈ ဢမ်ႇလူဝ်ႇတူၺ်း Keyboard
- ဢမ်ႇတူၺ်းလွၵ်းမိုဝ်းသေ ပေႃႉလိၵ်ႈ။ ဢၼ်ၼႆႉ ပဵၼ်ပိုၼ်ႉထၢၼ် တႃႇတေပေႃႉဝႆးဝႆးၼၼ်ႉယဝ်ႉ။ (ASDF JKL;) ၸိူဝ်းၼႆႉႁႂ်ႈမွၼ်ႈမိုဝ်းဝႆႉ၊ ဝၢႆးသေတဵၵ်းတုမ်ႇတၢင်ႇဢၼ်ယဝ်ႉ ၼိဝ်ႉမိုဝ်းႁဝ်း ထုၵ်ႇလီၶိုၼ်းၵႂႃႇတီႈ တုမ်ႇၸိူဝ်းၼႆႉ။
- ၸႂ်ႉၼိဝ်ႉမိုဝ်းတင်းမူတ်း။ ၼိဝ်ႉမိုဝ်းၵူႈၼိဝ်ႉမိုဝ်း မီးတုမ်ႇ တႃႇတေဢဝ်ပုၼ်ႈၽွၼ်းယူႇ။ ဝႅပ်ႉသၢႆႉ ဢမ်ႇၼၼ် သွပ်ႉဝႄး ဢၼ်ပူင်သွၼ်ပၼ် လွင်ႈတႅမ်ႈလိၵ်ႈၼၼ်ႉ တေၼႄပၼ်ဝႃႈ တေလႆႈဢဝ်ၼိဝ်ႉမိုဝ်းဢၼ်လႂ်ၼဵၵ်း။
4. လွင်ႈထတ်းသၢင် တၢင်းဝႆးပေႃႉလိၵ်ႈ
- ၸၢမ်းတူၺ်း တၢင်းဝႆး ၵၢၼ်ပေႃႉလိၵ်ႈ လူၺ်ႈဢမ်ႇလႆႈသဵင်ႈငိုၼ်းသင် တီႈ TypingTest.com ၊
- လွင်ႈၵူတ်ႇထတ်း တႃႇသေႇၼႆႉ ၸၢင်ႊၸွႆႈထႅမ် ႁႂ်ႈႁူႉလႆႈ လွင်ႈၶိုၼ်ႈယႂ်ႇ လႄႈ တူၺ်းဝႃႈ တေၶိုပ်ႈၼႃႈလႆႈ တီႈလႂ်။
5. ႁဵတ်းၵၢၼ်ၽိုၵ်း ႁႂ်ႈမူၼ်ႈသိူဝ်း-
- ၸႂ်ႉတိုဝ်း ၵဵမ်းပေႃႉလိၵ်ႈ ဢၼ်မီးဝႆႉ တီႈဝႅပ်ႉသၢႆႉ ဢၼ်လၢတ်ႈမႃး တၢင်းၼိူဝ်ၼၼ်ႉ တင်းၼမ်။
- လိၵ်ႈဢၼ်လီၶဝ်ႈၸႂ် ၸၢမ်းတႅမ်ႈၸိူင်း ဢမ်ႇၼၼ် ဢၼ်လႂ်ၵေႃႈလႆႈ။ လူၺ်ႈ TypeLit.io ၼႆႉ ၸဝ်ႈၵဝ်ႇ ၸၢင်ႈလဵပ်ႈႁဵၼ်း ၶိုၼ်းတႅမ်ႈပပ်ႉ တင်းမူတ်းလႆႈယူႇ။
မၢႆတွင်းၵၢၼ်လမ်ႇလွင်ႈ တႃႇၽိုၵ်းပေႃႉလိၵ်ႈ
- တီႈၼင်ႈႁႂ်ႈလီ - ၼင်ႈၽဵင်ႇၽဵင်ႇသေ ႁႂ်ႈမိုဝ်းၽဵင်ႇၵၼ်။
- ႁဵတ်းႁႂ်ႈႁၼ်လႆႈ ၶီးပူတ်ႉ - ၶတ်းၸႂ်တွင်းဝႆႉ တီႈဢၼ် ၶီးပူတ်ႉ မီးဝႆႉၼၼ်ႉ။
- ယႃႇပေမႆႈၸႂ် လွင်ႈၽိတ်းပိူင်ႈ၊ ပၵ်းၸႂ်ၼိူဝ် လၢႆးၼဵၵ်းတုမ်ႇ ႁႂ်ႈထုၵ်ႇမႅၼ်ႈၸွမ်းပိူင်။
- ပေႃးမိုဝ်းၸဵပ်းမႃး ႁႂ်ႈလိုဝ်ႈပၼ်ဢိတ်း႞။
- ပေႃးၸႂ်ႉတိုဝ်းလွၵ်းလၢႆးၸိူဝ်းၼႆႉ တႃႇသေႇၼႆၸိုင် တေၸၢင်ႊႁဵတ်းႁႂ်ႈ ၵၢၼ်တႅမ်ႈလိၵ်ႈ ၼႂ်းၶွမ်း ဝႆးလိူဝ်မႃး လႄႈ တႅတ်ႈတေႃးမႃး တေႉတေႉ။